• Filed under dchs88
  Apr 7
  Proud to be Dabawenya!

  Naalala ko noong una kaming manirahan sa Manila. Nanibago kaming magkakapatid. Biruin mo naman kailangan naming gumising ng maaga upang maghakot ng tubig. O dili kaya’y maligo sa madaling araw kung saan malakas ang patak ng tubig mula sa gripo. Kasi kung sa gabi o mga bandang alas otso ng umaga ka maliligo nakupo mas malakas pa ang ihi mo kaysa patak ng tubig.

  Naalala ko rin noong inutusan ako ng Nanay ko bumili sa tindahan:

  Ako: Ale, pabiling nga po ng ahos.

  Tindera: (pagulat na sagot) Ahos? anong ahos ineng?

  Ako: (kamot sa ulo) ahos po yung ginagamit pang-gisa.

  Tindera: (medyo naiinis na) naku ineng baka sibuyas.

  Ako: Ahos po. Yung ginagamit pangotra sa mga aswang (tulad mo hihihi)

  Tindera: Bisaya ka ano? (tumawa ng malakas) Kaya naman palae eh. Sabi ko nga ba. Bawang tawag niyan dito sa Maynila.

  Ako: Di bale na lang po. (sabay alis .. at pabulong na sinabi) bawang… buang … ambot oi!

  Minsan naman pagnalaman nilang taga Davao ako o kami ng mga kapatid ko, laking gulat nila at bakit di kami naka bahag o malong. Sabay nilang itatanong kung meron kaming kalabaw na ginagamit upang makarating sa malalayong lugar, kung me kuryente ba sa Davao, kung nakakaintindi ba kami ng Tagalog.

  Nakakalungkot isipin kung bakit meron mga taong ganito. Di ba nila napag-aralan sa kanilang paaralan ang tungkol sa Davao? Di ba naituro ng kanilang mga guro kung gaano kaunlad ang siyudad ng Davao? Eh bakit noong kami ang nag aaral, tinuturo ng aming guro sa Sibika at Kultura ang tungkol sa ioat ibang lalawigan sa buong Pilipinas. Malaking pasasalamat ko sa aming mga guro at di akong lumaking ignorante.

  Kamakailan maraming kapwa ko Dabawenyo ang nagbigay karangalan sa lungsod ng Dabaw. Iilan sa kanila ang nakakamit ng malalaking kaantasan sa mga paaralan na kanilang pinag-aralan.

  Sina Amanda Marie F. Nograles, daughter of lawyers George and Sol Nograles, graduated magna cum laude from the Ateneo with a degree in A.B. Management Economics last March 19, Frances Vega (”Chinggay” to family and friends), a graduate of Stela Maris Academy of Davao, also finished as Magna Cum Laude and Departmental Awardee for Chemistry from the same school, Antonio G. Bulao I, of Buhangin, Davao City, graduated Magna Cum Laude of the Sanlingan Class 2005 of the PMA ay iilan lamang sa mga Dabawenyong nagbigay karangalan sa lungsod ng Davao ngayon taon 2005.

  Andiyan din ang greatest living filipino surrealist who is also davaoñeo, Bienvenido “Bones” Bañez Jr. — the only Filipino who qualified to the juried international surrealist show held during the fall of 2003 also at WAH Center.

  Erich and Charles of the Star Circle Teen Quest 2005, M.Y.M.P ( Make your Mama proud) at syempre ang Reigning People’s Featherweight Champion, Manny Pacquioa.

  Pero hindi lang dahil sa kanila kaya ko ipinagmamalaki na ako’y Dabawenyo. Ayaw nag palag palag diha hehehe Napakaraming bagay pa. Basta alam ko eight months na lang Durian here i come woohooo!

  Kaya bakit di mo subukang bumisita sa Davao City at nang malaman mo kung bakit nga ba?

  Mga karagdagang babasahin:

  Another Dabawenya achiever

  Davao lass graduates magna cum laude in ADMU
  
  He followed his dream
  
  THE GREATEST LIVING FILIPINO SURREALIST IS A DABAWENYO!?
  
  M.Y.M.P (Make Your Mama Proud)

Leave a Reply

You must be logged in to post a comment.